Ministri i Mbrojtjes, Ermal Nufi bën me dije se në Dukat (Vlorë) ka vijuar pa ndërprerje operacioni i Forcave të Armatosura për shuarjen dhe vënien nën kontroll të vatrave të zjarrit. 70 efektivë të Forcës Tokësore, 29 efektivë të Komandës Mbështetëse, dy efektivë të Policisë Ushtarake dhe dy avionë zjarrfikës në vijën e parë të përballimit të një situate jo të lehtë. “Falë angazhimit të jashtëzakonshëm është bërë e mundur shuarja e pjesës më të madhe të vatrave të zjarrit”, theksoi Nufi.