Në bulevardin para Kryeministrisë po mbahet protesta e Partisë Demokratike, për të cilën policia nuk e aprovuar zhvillimin e saj për shkak të akteve të dhunës dhe molotovëve kundër policëve. Por siç shihet edhe në videon e dërguar nga kryeredaktori i gazetës ”Koha Jonë”, Daniel Muçaku në terren janë marrë të gjitha masat për të garantuar sigurinë, në bazë të ligjit për “tubimin”.
Efektivët janë në terren, ndërsa godina e kryeministrisë është blinduar me veshje metalike dhe gardh metalik. Shtyllat ku janë të pozicionuara kamerat e sigurisë në zonë janë lyer me graso me qëllim për të parandaluar ngjitjen e personave dhe dëmtimin e tyre. Përfaqësues të PD-së shprehën shqetësimin për situatat e fundit të raportuara, duke e cilësuar të papranueshme çdo formë presioni apo dhune ndaj qytetarëve, pavarësisht bindjeve të tyre politike. ”Çdo dhunim ndaj qytetarëve do të ketë reagimin tonë. Ne do të jemi në krah të tyre dhe do të mbrojmë të drejtat kushtetuese me çdo mjet demokratik”,- shprehen ata.
Protesta u hap me fjalimin nga ish-deputetja e PD, aktorja e njohur Rajmonda Bulku, e cila solli një mesazh emocional dhe kujtoi një nga momentet më të rëndësishme të historisë së vendit. Ajo theksoi se fryma e vitit 1991 ishte bashkimi dhe guximi për të përballuar një sistem që, sipas saj, kishte mohuar liritë për shumë vite. “Kishim një frymë të gjithë bashkë, hoqëm frikën dhe morëm guximin tonë sepse deshëm lirinë, deshëm të rrëzonim sistemin që na kishte zaptuar dhe marrë lirinë tonë për shumë vite”,-vijoi ajo.
A do të qendrojnë në sheshin para kryeministrisë? Po deputetët a do ngujohen në parlament?
VIDEO/ Protesta e PD-së, Flamur Noka thirrje qytetarëve: Gjunjëzojeni këtë qeveri përpara jush
Blindohet Kryeministria/ Shtyllat e kamerave lyhen me graso, vendosen gardhet metalike
”Protestat do të përshkallëzohen”, Balliu: Populli do të vetëmbrohet, por nuk ushtron dhunë