VIDEO/ Policia aksion ndaj furgonëve që transportojnë nxënës, ndëshkohen 48 shoferë

Policia Rrugore e Tiranës ka ndërmarrë një aksion për rritjen e parametrave të sigurisë, ndërsa në fokus ishin mjetet e transportit të nxënësve, ku janë kontrollor dokumentacioni i nevojshëm dhe sistemet e sigurisë së mjeteve që përdoren për këtë qëllim. Në total janë ndëshkuar 48 shoferë.

Me qëllim parandalimin e ngjarjeve rrugore dhe rritjen e sigurisë në rrugë, kryesisht për mjetet e transportit të specializuar, efektivët e Komisariatit Rajonal të Policisë Rrugore Tiranë kanë organizuar kontrolle të përqëndruara në afërsi të Shkollave publike dhe jo Publike si dhe në disa rrugë Urbane të Kryeqytetit.

Kontrollet dhe verifikimet e Policisë Rrugore ndaj kësaj kategorie kishin si objekt sistemet e fiksimit, rripat e sigurisë për mjetet e transportit të Specializuar, dokumentacionin përkatës, kapacitetin mbartës si dhe kërkesat teknike që duhet të plotësojnë këto mjete transporti.

Nga verifikimet dhe kontrollet e ushtruara nga Policia Rrugore e Tiranës janë konstatuar dhe proceduar administrativisht: • 15 drejtues mjetesh të transportit të specializuar (transport nxënësish) për mosperdorim të sistemeve të fiksimit dhe rripave të sigurisë. • 10 drejtues motomjetesh për mospërdorim të kaskës mbrojtëse. • 23 automjete për parkim të gabuar. Në funksion të kontrolleve janë testuar për alkool 65 drejtues mjetesh të transportit të specializuar të cilët kanë rezultuar negativ.