VIDEO/ Zjarr i madh në një punishte paletash në Lushnje, bllokohet përkohësisht rruga në drejtim të Rrogozhinës

Një zjarr i madh ka rënë këtë mbrëmje në vendin e quajtur “Qafa e Sokolit”, në aksin rrugor “Lushnjë-Rrogozhinë”. Flakët kanë përfshirë një magazinë që merret me përpunimin e lëndës drusore. Policia dhe zjarrfikëset ndodhen në vendngjarje, teksa flakët janë izoluar dhe po punohet gjithashtu për fikjen e tyre dhe për menaxhimin e trafikut. Mësohet se biznesi është një punishte paletash dhe kanë marrë flakë drutë. Shërbimet e Policisë dhe zjarrfikëses ndodhen në vendngjarje për të fikur zjarrin, si dhe për menaxhimin e trafikut në aksin e bllokuar të rrugës. Deputeti socialist Erion Braçe, në një postim në mediat e tij sociale, u bën thirrje qytetarëve që të kenë kujdes, të ndalojnë dhe të presin derisa zjarri të jetë shuar plotesisht.