VIDEO/Gjendet në Rusi valixhja naziste me ‘kafka alienësh’ brenda

Dëshmitë, videot, rrjedhjet e informacionit dhe deklaratat e ish pjesëtarëve të ushtrive, agjencive hapësinore dhe shërbimeve sekrete, nuk mjaftojnë për të bindur ata që e shohin çështjen e alienëve si një fabul filmi.

Megjithatë në disa raste ka diçka konkrete që mund të analizohet.

Të gjesh një çantë të çuditshme me kafka brenda, jo me formën e njeriut, nuk është diçka që ndodh çdo ditë.

[youtube url=”https://www.youtube.com/watch?v=uEHP3up4YyY” width=”560″ height=”315″]

Kjo ka ndodhur në fshatin Kamennomostsky, në rajonin rus të Adygea, ka raportuar agjencia  e lajmeve Interfax, edhe pse data e zbulimit duket se është në janar të vitit 2016.

Çanta brenda së cilës janë gjetur kafkat me formë të çuditshme, ka simbolet e një organizate naziste. Teoricienët konspirativë janë të bindur se ky zbulim mund të konfirmojë në fund se Hitleri ishte i lidhur me ndonjë entitet jashtëtokësor.

Për skeptikët, nuk është me vend të dilet në një përfundim të tillë pa e konfirmuar fillimisht se për çfarë bëhet fjalë në të vërtetë, pasi kafkat e gjetura mund t’u takojnë kafshëve, ose mund të jenë rezultat i eksperimenteve të çuditshme që për fat të keq bëheshin nga nazistët.

Simboli i gjetur në çantë i përkiste organizatës naziste të Ahnenerbe që kishte si qëllim të studionte origjinën e racës Ariane.

Por historiani Igor Ogay thotë se është e vështirë për të gjetur lidhjen e kafkave me organizatën Ahnenerbe.

Sipas arkeologëve kafkat mund të kenë ndenjur shumë gjatë në valixhe, aq sa mund të kenë ndryshuar formë. Megjithatë, kjo mbetet ende mister.