Vlorë, dhunoi nënën dhe vëllanë, pranga 40-vjeçarit

Policia e Vlorës ka vënë në pranga një person, i cili akuzohet për dhunë në familje.

Blutë e qytetit bregdetar bëjnë të ditur se Armand Sherifi, 40 vjeç ka dhunuar fizikisht dhe psikologjikisht nënën dhe vëllanë.

“Ditën e djeshme në lagjen ”28 Nëntori”, në banesë, ka dhunuar fizikisht e psikologjikisht nënën e tij shtetasen E.K., 64 vjeçe, duke thyer edhe Urdhër Mbrojtjen e saj. Gjithashtu ky shtetas po në të njejtën banesë ka dhunuar vëllanë e tij shtetasin B.Sh., 32 vjeç”, sqaron policia.

Materialet hetimore iu referuan Prokurorisë së Rrethit Gjyqësor Vlorë, ndaj tij për veprime të mëtejshme.