Voltana Ademi: Shkodra e përmbytur prej javësh, ç’duhet të ndodhë më që të shpallni emergjencën

Prej disa javësh Qarkun i Shkodrës ndodhet nën kërcënimin e përmbytjeve. Mijëra hektarë janë nën ujë dhe llogaritet të paktën 50 shtëpi të përmbytura. Kryetarja e Bashkisë së Shkodrës, Voltana Ademi, ka publikuar pamjet alarmante të situatës që është rënduar gjatë natës në zonën e Nënshkodrës dhe ka lëshuar thirrjen e fortë për Qeverinë: “Çfarë duhet të ndodhë më shumë që të shpallet Gjendja e Emergjencës së Fatkeqësisë Natyrore në Shkodër?!”

Ademi vazhdimisht i ka bërë thirrje qeverisë për të ndihmuar banorët e këtyre zonave që pas tokave e stallave, tashmë po detyrohen të lënë edhe shtëpitë e tyre, pushtuar nga uji, për të shpallur gjendjen e fatkeqësisë natyrore që ofron dhe ndihmën e duhur.

Situata e përmbytjeve në Shkodër, datë 12 shkurt 2021
Bashkia Shkodër/
Sipërfaqe totale e përmbytur 5370 Ha
Tokë e pakultivuar 1100 Ha
Foragjere të dyta, jonxhe 3850 Ha
Grurë 240 Ha
Bimë Dekorative 127 Ha
Pemëtore 50 Ha
Serra 3 Ha
Nj.A. Ana e Malit
Rruga e Obotit është e bllokuar. Niveli i ujit mbi rrugë arrin rreth 150 cm.
Në fshatin Obot ka prezencë uji në oborre 140cm.
Ujësjellësi Oblika 1 është jashtë funksionit
Sipërfaqja e tokës bujqësore e përmbytur vlerësohet në 1300 Ha, kryesisht në fshatrat Obot, Muriqan, Oblikë, Velinaj, Shtuf.
Tokë e pakultivuar 220 Ha
Foragjere të dyta, jonxhe 980 Ha
Grurë 50 Ha
Pemtore 40 Ha
Bimë dekorative 7 Ha
Serra 3 Ha
Shtëpi të përmbytura 8.
Në disa toka bujqësore niveli i ujit arrin në 2-3m.
Ujesjellësi Oblika 2 jashtë funksionit
Rruga Goricë është e pakalueshme me mjete të ulëta.
Gjendje e vështirë në lagjen Gallube, fshati Oblikë ( përmbytur garazhe e stalla bagëtish)
Garazhe e stalla bagëtish të përmbytura në fshatin Muriqan.
Ne fshatin Muriqan ( Lagja Xhakaj e Kyrtaliaj 2 shtepi me prezence uji).
Fshati Obot në gjendje te jashtëzakonshme rrezikshmërie!
Njësia Administrative Dajç
1.Sipërfaqja e tokës bujqësore e përmbytur vlerësohet në 1900 Ha,
Tokë e pakultivuar 380 Ha
Foragjere të dyta, jonxhe 1300 Ha
Grurë 100 Ha
Bimë dekorative 120 Ha
Rruga që lidh fshatrat Shirq- Darrgjat është e bllokuar. Ka prezencë uji rreth 150 cm.
Shtëpi të përmbytura 9
131 shtëpi kanë prezencë uji në oborre.
Në disa toka bujqësore niveli i ujit arrin në 2 m.
Velipojë
1.Sipërfaqja e tokës bujqësore e përmbytur vlerësohet në 350 Ha.Kryesisht fshatrat Baks i Ri, Luarz. Ças, Reç i Ri.
Tokë e pakultivuar 110 Ha
Foragjere të dyta, jonxhe 240 Ha
Në 8 shtëpi ka prezencë uji në oborre.
Nj. A. Guri i Zi
Vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Bërdicë/Sipërfaqja e tokës bujqësore e përmbytur vlerësohet në 1200 Ha, konkretisht në fshtrat Trush, Berdicë e Siperme, Berdice e Madhe.
Të pakultivuara 230 Ha
Foragjere të dyta, jonxhe 880 Ha
Grurë 90 Ha
50 Shtëpi janë të rrethuara nga uji ( kryesisht në fshatin Trush).
Rrethina/1.Sipërfaqja e tokës bujqësore e përmbytur vlerësohet në 620 Ha, në fshatrat Zues (tokat në fushën e Oblikës), Shtoj i Vjeter, Shtoj i Ri dhe Dobraç
Tokë e pakultivuar 160 Ha
Foragjere të dyta, jonxhe 450 Ha
Pemëtore 10 Ha
70 shtëpi kanë prezencë uji në shtëpi.
Lartësia e ujit në rrugën e hidrovorit është 30 cm
4.Mjeti ushtrisë vazhdon që të jetë në gatishmëri tek hidrovori Dobraç për çdo nevojë eventuale që mund të kenë banoret.