“Vonesa të vogla në ritestime”, kreu i ISHP-së: Pse vendosëm izolimin e pjesshëm për 3 javë. Kush s’ka simptoma, COVID nuk transmetohet

Drejtuesja e ISHP-së, Albana Fico deklaroi se vendimi nga ana e grupit të Komitetit të Eksperteve për mbylljen e pjesshme të vendit, nga ora 22:00 deri në 6 të mëngjesit, është vlerësuar për një periudhë 3 javore. Në një lidhje skype për rubrikën ‘Opinion’ në ‘News24’ Fico tha se në dy javë vlerësohet transmetueshmëria.

Sipas Ficos, kush nuk ka simptoma për disa ditë, COVID nuk transmetohet. Po ashtu ajo u ndal dhe tek çështja e vonesave të testeve, ndërsa Fico e mohoi këtë fakt. Ajo tha se ka vonesa të vogla në ritestime.

PJESE NGA INTERVISTA
Grupi i ekspertëve na njoftuan se duke nisur nga nesër, nga ora 22: 00 deri në 6 do të ndalohet lëvizja dhe aktivitetet. Por përse 3 javë?
Unë besoj se nëse do na dëgjonit pak më me vëmendje në sensin e parashtrimit, kjo situatë vlerësohet mbi bazën 2 javore, edhe transmetueshmëria dhe indicenda vlerësohet me 2 javë. Ne vlerësojmë çdo javë. Në fund të 2-javorshit kuptophet nëse ka ndryshim. Indicenca në harkun 2 javor është erritur me 30 raste për 100 mijë. Javën e tretë konkludon për të marrë një masë, apo për t’u tërhequr nga ajo.

Mund të ndodh që nëse situata agravon, të shtrëngohen masat?
Asgjë nuk është e shkruar në gur. Biseda e tetor/nëntor/dhjetor nuk është e panjohur. Këto nuk janë situata të paparashikuara. Kthimi nga plazhet, hapja e shkollave, shkurtimi i ditës, tendenca për tu grumbulluar janë karakteristika të kësaj stine. Nuk kam dëshirë që të flas për krahasime me Gjermaninë, Spanjën. Dua të përqendrohemi tek Shqipëria jonë e vogël. Kjo situatë nuk është e pamenduar. Kjo nuk është situatë e panjohur.

Po shkollat nuk përbëjnë rrezik?
Së pari, me rritjen e moshës rritet dhe infektologjia. Kemi shumë pak raste mosha 5-14 vjeç në spitale. Ndërkohë që rritet simtomatologjia në gjimnaz. Në universitet u ndalëm, menduam dhe vlerësuam situatën për ta filluar mësimin më vonë. Edhe mësuesit që kanë qenë pozitiv, janë zëvendësuar. Personeli shëndetësor, shtëpitë e të moshuarve, policia, janë një grup që monitorohen shumë. Edhe shkollat, kemi interes që mos të ktheheshin në fenomen.

Vazhdon të ketë ankesa nga njerëzit që kryejnë tamponin dhe marrin përgjigje shumë vonë.. Përse ka kaq shumë vonesa?

Më lejo të përsëris atë që jam munduar që ta shpjegoj. Ka disa momente përgjatë kësaj pandemie që ka pasur shtim të infeksioneve dhe këtë e dinë të gjithë. Nëse nuk ndjekim News24, dimë se në rrethin tonë ka të infektuar. Me rritjen e numrit të të infektuarve, ka rritje të numrit të testimeve, gjurmimeve dhe izolimeve. Kjo përkthehet në vonesë të vogël të ritestimeve. E përsëris. ISHP ka qenë institucioni i vetëm që e nisi këtë drejtim dhe e ndjen në shpatullat e veta. Gjatë raportimeve, sot jemi në 4-fishim nga qershori. Përditë raportojmë dhe në këtë proces ka disa vonesa sa i takon ritestimeve. Kjo është mjekësore dhe jo shqiptare. Prioritet mbeten spitalet, 127 dhe grupet e riskut dhe më pas ritestimet. Dua që t’ju them shqiptarëve se nëse kanë problem me pritjen, duhet të drejtohen tek VTSH-ja. Kanë një lloj paniku. Ne duke dashur që të përballemi me këto valë sa më mirë, është zgjedhur gama e laboratorëve që vijnë për ta kryer këtë shërbim. Çdo shqiptar që e ndjen veten të pa shërbyer në këtë, ju lutem na shkruani në adresën zyrtare të ISHP. Nuk ka askush që të ketë shkruar dhe mos të ketë marrë përgjigje.

A po funksioni me testet e shpejta?
për momentin jo. Komiteti i ekspertëve ka përgatitur udhëzuesit për testet antigenike. Jemi të qartë për grupet që përfitojë dhe kur përdoret speficikisht. Është koha që të përdoren ato. Testet e shpejta janë teste të tipit anti-genik. Dedukton lidhjet me SAR-cov. Përhapje më të gjerë komunitare këto kanë vlerë të caktuar. Pavarësisht rasteve të shpejta që iu vihet në dispozicion mjekëve të familjes, duam që të mbikëqyrim këtë proces. Mënyra e testimit nuk ka ndryshuar. Ajo është e mundimshme, por është e saktë, shkencore. Këto janë standarde laboratorike të referencës. Personat që janë pa simptoma për disa ditë, nuk transmetojnë. Njerëzit që janë pa simptoma, sasia e viruseve në gjak, nuk ka as forcën dhe as numrat për të transmetuar.

Nëse një person nuk është i rrezikshëm për të tjerët nëse s’ka simptoma. Por a mund të jetë i rrezikshëm për vetveten nëse ripreket nga COVID?

Besoj se kjo vjen nga një qytetar i shqetësuar për këtë çështje. Negativizimi dhe shërimi janë dy gjera të kundërta. Negativizimi s’do të thotë shërim. Janë dy gjëra të ndryshme. testet e sociologjisë duhet të bëhen pas ditës së 21. Një nga gjerat që duhet të na bëhet natyrë e dytë, është biseda me mjekun e familjes.

Ka zëra se numri i të prekurve dhe të vdekurve nuk është sa raportohet?
Unë do të besoja se bëhet kjo në mënyrë të qëllimshme. S’kam arsye të besoj personalisht. Të mos ngatërrojmë dy gjera; a keni të infektuar më shumë se të deklaruar. Ka më shumë të infektuar se sa janë testuar, kudo. Nëse dikush do të më thoshte se ka më pak të deklaruar nga ata të testuar, asaj do i qëndroja dhe do i thojë se ky është turp. Sa i takon vdekjeve, ato janë raportim i spitaleve, drejt ministrisë së Shëndetësisë. Rastet e deklaruara të vdekjeve, janë raste kur tamponi ka rezultuar pozitivë. Dje ishte 12 shifra e të vdekurve. Ka ditë që janë të vështira. Për ne, ekipin mjekësor është dramë e madhe.