Vrasja e efektivit të RENEA, Krimet e Rënda nisin hetimet

Kreu i Prokurorisë së Krimeve të Rënda Adnan Xholi është nisur drejt Lazaratit për nisjen e hetimeve pas ngjarjes së rëndë të ndodhur në këtë fshat ku një efektiv i trupave RENEA u qëllua për vdekje në kokë.

Ndërkohë dy efektivët e plagosur të këtij reparti të identifikuar Perlat Ahmetaj dhe Jetmir Isaraj pritet të transportohen me helikopter nga spitali i Gjirokastrës drejt atij ushtarak në Tiranë.

Mësohet se dy efektivët e plagosur janë jashtë rrezikut për jetën, ndërsa ato janë qëlluar me armë zjarri në këmbë dhe shpatull.

Ende nuk ka një deklaratë zyrtare të policisë mbi ngjarjen e rëndë, por mësohet se menjëherë pas saj policia ka shoqëruar disa persona që janë pyetur në lidhje me të.

Nga të dhënat e para policore mësohet se në fshatin Lazarat është një grup i armatosur prej 7-10 personash që janë dislokuar pranë një karburanti.