Vrasja e policit, Stano: Nëse shtetet e BE-së vendosin, do të ketë masa ndaj Serbisë

Zëdhënësi i Bashkimit Evropian, Peter Stano doli në një konferencë për situatën në Kosovë. Ai tha se nëse shtetet e BE-së e shohin të arsyeshme, atëherë ato mund t’i vendosin masa edhe Serbisë sikurse i kanë vënë Kosovës.

”E kemi thënë që nga fillimi, BE-ja ishte shumë e qartë që nga fillimi, përfshirë 27 shtetet anëtare të BE-së, që këto masa janë të përkohshme, dhe ato ose mund të zvogëlohen varësisht zhvillimeve, ose të rriten”, tha Stano.

Po ashtu Stano tha se pritet natyrisht që të ketë takime të nivelit të lartë Kosovë-Serbi në Bruksel, por kur një gjë e tillë të jetë e përshtatshme.