Vrasja në Ish-Bllok, Boshnjaku: Dola nga lokali kur nisi sherri

Ajaks Boshnjaku është marrë në pyetje në policinë e Tiranës ku ka deklaruar se nuk është i përfshirë në konfliktin me armë në lokalin në ish-bllok, ku humbi jetën një person dhe u plagosën dy të tjerë.

Boshnjaku ka deklaruar se ka qenë në lokal ne fillim te sherrit dhe sa ka filluar përleshja ka dalë nga lokali. Ajaks Boshnjaku u vetëdorëzua në policinë e Tiranës mbrëmjen e kaluar, ndërsa nesër pritet të dalë përballë gjykatës për rivlerësim mase pasi ndaj tij është caktuar arrest me burg në mungesë.

Mbrëmjen e 4 tetorit pas një konflikti me armë në lokal “Monopol” në ish-bllok mbeti i vrarë Fabian Gaxha dhe u plagosën Ervis Martinaj dhe Elio Hato. Në kërkim për këtë ngjarje janë shpallur Maviol Bilo, Ervin Mata dhe Fabiol Alushi.