Vrasje me armë zjarri në Tropojë, ja kush është viktima (Emri)

Një vrasje ka ndodhur në orët e para të mëngjesit të sotëm në Tropojë. Sipas të dhënave të para viktima është identifikuar si G. Gj., rreth moshës 47 vjeç.

Ai është qëlluar me armë pranë karburantit të tij në rrugën e spitalit. Nuk dihen ende autorët e krimit, ndërsa policia ka rrethuar zonën dhe ka ngritur postblloqe për kapjen e tyre.

Tropojë/Informacion paraprak

Më datë 05.01.2020, në orën 23:32,  në afërsi të Karburantit të tij, në lagjen “Partizani” , është vrarë me armë zjarri në rrethana ende të paqarta, shtetasi G.Gj., 47 vjeç,  banues në qytetin e Tropojës.

Në vendngjarje ndodhet grupi hetimor ku vijon punën për zbardhjen e rrethanave të ngjarjes, identifikimin dhe kapjen e autorit.

Shërbimet e Komisariatit të Policisë Tropojë, shërbimet e DVP Kukës, dy grupe të FNSH, vazhdojnë kontrollet dhe krehjen e zonës për të bërë të mundur kapjen e autorit.