Vrasjen e djemëve e mësoi nga media, nëna: Ata 2 fëmijë kisha, vrasësi të vinte tek unë

Nëna e dy vëllezërve nga Pogradeci, të gjendur të pajetë sot në Maliq, ka treguar se lajmin për vrasjen e djemëve e ka mësuar nga mediat. Ajo ka kërkuar drejtësi. “Të dy djemtë humben kontaktet në orën 22 të datës 7 dhjetor. Telefonat i kishin te fikur. Nuk di të kenë pasur konflikte. Ata që e kanë bërë mirë të më kërkonin mua po të kishin hall sesa më vranë djemve. Lajmin e mora vesh nga mediat. Të dy djemtë i kisha fëmijë të vetëm. Punonin ku të mundnin. Kërkoj drejtësi të zbardhen autorët. Policia nuk na ka thënë ende asgjë. Trupat ende në morg”, është shprehur ajo.