Vr*sja e 30-vjeçarit në Vlorë, FOTO nga vendngjarja

Kristjan Marku u vra këtë mbrëmje në autostradën Levan-Vlorë. ai ka qenë një person me precedent të mëparshëm penal. Marku është hetuar më herët për vrasje të mbetur në tentativë dhe armëmbajtje pa leje. Duke qenë se ngjarja ka ndodhur në autostradë, larg syve të njerëzve dhe kamerave, si dhe duke përfituar nga errësira dhe moti i keq, bëhet më e vështirë identifikimi dhe kapja e autorëve, pavarësisht se Policia ka ngritur disa postblloqe në qytetin bregdetar. Po ashtu mësohet se disa minuta pas ngjarjes, në një distancë jo shumë të largët është gjetur dhe një automjet duke u djegur, që dyshohet se u përket autorëve të krimit.