Vula e Apelit në PD, Kryemadhi: Opozita ka gati planin A, B dhe C nëse Gjykata ja jep Alibeajt

Deputetja e Partisë së Lirisë, Monika Kryemadhi, thotë se do të funksionojë sërish skema e 6 marsit nëse gjykata i jep të drejtë palës së Enkelejd Alibeajt për çështjen e vulës. Po ashtu ajo thotë edhe se opozita ka planin A, B dhe C e shumë plane të tjera.

“Çështja e vulës krijon komoditet për Edi Ramën. 6 marsi e tregoi se kush ishte vula e Partisë Demokratike. Nëse gjykata i jep legjitimitetin palës së Alibeajt, do të funksionojë sërish skema e 6 Marsit.

Unë mendoj që çdo parti dhe çdo individ ka të drejtë të marrë pjesë në një proces zgjedhor. Pavarësisht se shpresa e Edi Ramës është që të krijojë çorientim, njerëzit nuk çorientohen nga kandidatët e vulës së Edi Ramës. Opozita ka planin A, B dhe C e shumë plane të tjera sepse forca sot është te besueshmëria e liderëve”, tha Kryemadhi.