Xhemal Loka lihet në burg: S’kisha arsye që ta shtyja drejt vet*vrasjes. Vjehrra: Bedrija ka fjetur mbi lekët e çunit tim

Vetëvrasja e nënës së katër fëmijëve ka tronditur shumë opinionin publik shqiptar. Bedrije Loka i dha fund jetës duke pirë fotoksinë. Për këtë është arrestuar bashkëshorti i saj, Xhemal Loka, i cili po hetohet si personi që e ka shtyrë drejt aktit fatal. Në sallën e gjyqit, ai ka thënë se nuk ka pasur konflikte me gruan, por debate normale siç ndodh në çdo familje.

Kurse nëna e Xhemalit thotë se i biri ia kishte falur Bedrijes historinë e postimit denigrues në TikTok. Flasin dhe për një konflikt të vjetër mes familjes së tyre dhe vëllezërve të Bedrijes mbi vjedhjen e 40 mijë eurove në banesën e familjes Loku. Duket që ky konflikt i vjetër u rihap më 3 janar ditën kur do ta merrnin trupin e pajetë nga morgu.

Edhe vëllai i Xhemal Lokës, Fatmiri ka hedhur poshtë akuzat e vëllezërve të Bedrije Lokës, se ajo është shtyrë drejt vetëvrasjes nga bashkëshorti i saj i cili e dhunonte. Sa u takon deklaratave të fëmijëve për dhunë, ai tha se ata janë kërcënuar nga dajat.