Zbardhen detajet për vrasjen në Durrës
Policia ka zbardhur vrasjen në Flllakë, të ndodhur ditën e sotme, ku një person u vra në një atentat pranë shtëpisë.
Sipas Policisë, viktima është Xhevahir Brasha, 42 vjeç me origjinë nga Hasi dhe banues në Fllakë të Durrësit.
Policia thotë se Brasha u qëllua nga persona të paidentifikuar me dy plumba në trup. Po kështu, sipas policisë, ai u gjet i gjallë nga familjarët, por ndërroi jetë në Spitalin Rajonal të Durrësit, raporton Panoram.
“Më date 10.02.2016, rreth orës 19:30, është plagosur me armë zjarri, në hyrje të banesës së tij,pranë Mbikalimit të Fllakës, shtetasi: Xhevahir Brasha 42 vjeç.
Për pasojë, shtetasi i mësipërm ka ndërruar jetë në Spitalin Rajonal Durrës. Menjëherë në vendngjarje kanë shkuar Efektivat e Policisë, të cilët po punojnë për identifikimin, kapjen e autorit dhe zbardhjen e plotë të ngjarjes”, shkruan deklarata e Policisë.
Njoftimi i Policisë
Nga Specialistët e Sektorit për Krimet e Rënda në Drejtorinë Vendore të Policisë Durrës, po punohet për identifikimin dhe kapjen e autorëve, pasi:
Më datë 10.02.2016, rreth orës 19:30, në afërsi të banesës së tij, në fshatin Fllakë është qëlluar dhe vrarë me armë zjarri automatik, në automjetin tij me targa AA 295 LA, shtetasi:
Xh.B. 42 vjeç.
Në vendngjarje u gjetën dhe u sekuestruan në cilësinë e provave materiale:
13 gëzhoja, model 56, kalibër 7.62mm dhe
automjeti tip Benz me targa AA 295 LA.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Vrasja me paramendim”dhe”Prodhimi dhe mbajtja pa leje e armëve luftarake dhe e municionit’ parashikuar në nenet 78 dhe 278/4 të Kodit Penal.