Zbriti të kontrollojë mjetin, gruaja gjen vdekjen nga një makinë tjetër

ELBASAN – Një aksident i rëndë është shënuar mëngjesin e sotëm, 10 shtator 2016, në aksin rrugor Librazhd – Elbasan.

Policia informon se mjeti tip Benz veturë me targa A A 203 CA ka dalë nga rruga në vendin e quajtur Ura e Murrashit.

Çifti i bashkëshortëve me banim në Pogradec  që udhëtonte në makinë kanë zbritur për të kontrolluar nëse mjeti ka dëmtime.

“Më pas mjeti  tjetër minibuz  me targa A A 986 I F drejtuar nga shtetasi R. S , 40 vjeç,  banues në Korçë, që po lëvizte në këtë aks rrugor  ka aksidentuar me pasojë vdekjen shtetasen M. B, 38 vjeçe e cila udhëtonte në makinën tjetër”

Policia ndodhet në vendngjarje dhe po kryen veprimet hetimore dhe proçeduriale.

Drejtuesi i mjetit,  është shoqëruar në Komisariat.