Zbulohen grabitësit? Prokuroria: Lajme të pasakta

Sot në media u publikua lajmi se janë zbuluar dy grabitësit e tjerë të 10 mln eurove në Rinas. Në një reagim për këtë zhvillim, Prokuroria e Krimeve të Rënda dhe Policia e Shtetit, mohojnë vërtetësinë e këtij lajmi.

Reagimi i plotë

Lidhur me disa publikime në media ditën e sotme, për hetimet mbi grabitjen e datës 9 prill 2019 në Rinas, grupi i posaçëm hetimor deklaron se këto lajme janë të pavërteta dhe të pasakta.

Duke përfituar nga ky komunikim me mediat dhe publikun, gatantojmë qytetarët se Policia e Shtetit, Prokuroria dhe agjenci të tjera ligj zbatuese mbeten shumë të angazhuara për zbardhjen sa më të shpejtë të rrethanave të grabitjes, zbulimit të autorëve dhe përballjen e tyre me drejtësinë.

Çdo qytetar që ka informacion që beson se ndihmon hetimin, mund të telefonojë falas në numrin 112, duke ju garantuar anonimatin.