Zbulohet lidhja që kishte 8-vjeçari me autorin
![](https://kohajone.com/wp-content/uploads/2021/11/Capture-49-1.jpg)
Klodian Çalamani që rrëmbeu, vrau dhe groposi të miturin në bahçen e shtëpisë së tij e njihte fëmijën që vrau, e ka njohur mirë. 8-vjeçari ishte nip i shokut të autorit, me të cilin në 2006 kanë rrëmbyer një vajzë dhe kanë torturuar e kërcënuar se do e gjymtonin.
Një tjetër dëshmi tronditëse është bërë sot nga 38-vjeçari Klodian Çalamani, i cili goditi në kokë dhe më pas groposi fqinjin e tij 8 vjeç.
Autori i krimit makabër ka deklaruar para policisë se: “Djali më ofendoi dhe e qëllova“.
Më herët në dëshminë paraprake Klodian Çalamani tha se djalin e kishte marrë në shtëpi dhe më pas e kishte groposur në oborr.
8-vjeçari Mateo Vllasiu po luante me biçikletën e autorit dhe përpara se të ikte në shkollë kishte shkuar te shtëpia e tij për t’ia dorëzuar.
Çalamani e ka marrë peng të miturin dhe pasi e ka mbajtur disa orë në shtëpi e ka goditur me lopatë duke i shkaktuar vdekjen.
38-vjeçari nuk e ka ndalur me kaq makabritetin e tij, por trupin e pajetë të të miturit e ka groposur përpara shtëpisë.