Zbulohet sasia! Policia: Ja sa kilogram kokainë u kap në kontenierin me banane

7.7 kg kokainë u kap në kontejnerin e “Alba Exotic Fruit” ditën e sotme në Durrës. Policia njoftoi se ngarkesa kishte ardhur nga Ekuadori dhe prej ditësh ishte nën vëzhgim nga autoritetet.

Po ashtu u zbulua se ngarkesa e ndarë në 8 pako ishte fshehur në pjesën e poshtme, te kapakët e motorëve frigoriferikë të kontejnerit.

Kontejneri ishte i ngarkuar me banane teksa bëhet hera e katërt brenda 2 muajsh që kapet kokainë në kontejnerët e së njëjtës kompani, “Alba Exoti Fruit” ndërsa administratori ndodhet në arrati kurse menaxheri në burg.

NJOFTIMI NGA POLICIA

Në vijim të informacionit të dhënë pak më parë, ku nga Task Forca permanente e përbashkët e përbërë nga Policia Kufitare e Portit të Durrësit, strukturat hetimore të DVP Durrës dhe autoritet doganore të Portit, u sekuestrua një sasi lëndë narkotike, ju informojmë se pas peshimit të pakove, rezultoi se pesha totale është 7 kilogramë e 700 gramë lëndë narkotike e dyshuar kokainë.