Zgjedhjet në 2025, zbulohet kush do të drejtojë fushatën e PD

Flamur Noka do të jetë në krye të fushatës së Partisë Demokratike në gjithë Shqipërinë për zgjedhjet e përgjithshme në 2025. Ai do të ndihmohet nga Albana Vokshi si kryetare e Lidhjes së Gruas dhe Besar Xhaferri, kryetar i Forumit Rinor. Partia Demokratike u mblodh pasditen e së mërkurës në selinë blu nën drejtimin e Sekretarit të Përgjithshëm Flamur Noka dhe me adresimin e Sali Berishës nga shtëpia e tij, ku po qëndron i izoluar me vendim të Gjykatës së Posaçme që prej 30 dhjetorit. Aksioni opozitar dhe bashkimi i demokratëve janë në fokus të mbledhjes, në nisje të sezonit politik të vjeshtës dhe në prag të vitit elektoral.