Zhduket 76-vjeçari në Tiranë, familjarët në ankth prej 24 orësh

Një 76-vjeçar në Tiranë, i quajtur Banush Spiro rezulton i zhdukur prej 24 orësh. Lajmi është bërë me dije nga vetë familjarët e të moshuarit.

Ata shprehen se 76-vjeçari është parë për herë të fundit ditën e djeshme në zonën e Freskut, në rrugën që të çon për në Dajt, rreth orës 18:00.

BW ka publikuar edhe foton e të moshuarit, ndërsa familjarët i bëjnë apel qytetarëve që kushdo që ka dijeni ose e ka parë, të japë informacion në lidhje me të.