Zjarr masiv në Dhërmi, ndërhyhet me helikopter

Një zjarr i përmasave të mëdha është përhapur në zonën e Dhërmiut këtë të enjte. Zjarri ka rënë në një sipërfaqe me pemëtari.

Në ndihmë të zjarrfikësve të Himarës janë dhe banorët e fshatit Dhërmi të cilët me mjete rrethanore po ndihmojnë për izolimin e zjarrit dhe mos përhapjen e mëtejshme të flakëve.

Për të normalizuar situatën e zjarrit, veç ndërhyrjes nga toka ka mbërritur edhe helikopteri për të bërë të mundur lokalizimin dhe shuarjen e zjarrit.