Zjarr në Bilaj të Krujës, flakët pranë autostradës Thumanë-Kashar

Një vatër zjarri në zonën e Bilajt, në Krujë, është përhapur në disa pika, duke përfshirë disa hektarë tokë djerrë dhe një sipërfaqe me pemë.

Flakët janë afruar pranë autostradës Thumanë-Kashar, ndërsa tymi i dendur po vështirëson qarkullimin e automjeteve në këtë aks.

Forcat zjarrfikëse ndodhen në terren dhe po vijojnë punën për izolimin dhe shuarjen e vatrave të zjarrit.