Zjarret në Fier zbulojnë arkën me fishekë

Në qarkun e Fierit janë djegur sipërfaqe të konsiderueshme me pemë dhe ullishte.

Një masiv pyjor në Peshtan vijon të digjet edhe pse zjarrfikësit po bëjnë të pamundurën për shuarjen e tyre. Terreni i vështirë dhe era favorizojnë përhapjen e flakëve. Nga zjarri është zbuluar edhe një sasi fishekësh, të cilat përbëjnë rrezik serioz jo vetëm për zjarrfikësit, por dhe për banorët e zonës. Fatmirësisht deri tani nuk raportohet për persona të dëmtuar. Nuk dihet se cilës periudhë i përkasin, por mendohet që janë fshehur në këtë zonë nga trazirat e vitit ‘97.

Shpërthimi i fishekëve është dëgjuar edhe një ditë më parë, ndërsa një sasi e madhe e tyre si pasojë e flakëve kanë dalë edhe në rrugë, raportojnë mediat.