Zjarret në juglindje: Në flakë prej dy ditësh pyjet me dushk në Rrajcë

Zjarret në vend vijojnë të krijojnë vatra të reja thuajse në të gjithë territorin e vendit. Prej më shumë se 48 orë një sipërfaqe pyjore me dushk është nën flakë në fshatin Bardhaj të Rrajcës në bashkinë e Përrenjasit.

Fatmirësisht zjarri nuk po rrezikon banesat e fshatit dhe përparon drejt majës së malit. E vetmja zonë që rrezikohet është pylli i Rryenit, zonë e mbrojtur nga shteti, për shkak të pemëve dhjetëra vjeçare që ka në këtë pyll.

Ndërkohë paralelisht edhe policia po vijon hetimet mbi zjarrin pasi dyshimet janë se disa persona të gjobitur disa ditë më parë për prerje të paligjshme pyjesh të jenë autorë të vatrës.