Zjarret, rrezik për Zonat e Mbrojtura në Shqipëri

Nga një vlerësim ekspertësh  për rrezikun e Zonave të Mbrojtura në Shqipëri, zjarret u raportuan si kërcënimi më i mundshëm për këto zona.

Ndërsa prerja dhe shfrytëzimi i pyjeve, si kërcënimi më serioz që shkakton degradimin e vlerave natyrore në këto zona.

Në përgjithësi, këto kërcënime që lidhen me përdorimin e burimeve biologjike në zonat e mbrojtura ishin të pranishme në shumicën e zonave të mbrojtura në vend.

Gjetjet e vlerësimit synojnë t’i vijnë në ndihmë Agjencisë Kombëtare të Zonave të Mbrojtura (AKZM) në identifikimin e prioriteteve që do të përmirësojnë efiçencën menaxhuese të zonave të mbrojtura në vend.