10 vjet nga vdekja e Jaser Arafatit, palestinezët: Do ecim në rrugën e tij

Ceremonia zyrtare në nder të tij u mbajt në Universitetin e Az’harit, ku morën pjesë një numër i madh i palestinezëve të cilët kujtojnë ish-udhëheqësin Arafat, ndërkohë në duar mbanin posterat e tij.

Në tubim, ata kanë lëshuar mesazhe se populli palestinez nuk e harron këtë emër, i cili sipas tyre, paraqet simbolin e guximit dhe të heroizmit.

Kujtojmë se Jaser Arafati, ish-presidenti palestinez dhe udhëheqës i Organizatës për Çlirimin e Palestinës (OÇP), vdiq më 11 nëntor 2004, në spitalin ushtarak Percy në Paris.