11 mijë rrufe godasin këtë vend në vetëm 72 orë

Edhe pse është duke lufuar me Covid-19, qindra vatra zjarri po përhapen në të gjithë Kaliforninë, duke detyruar dhjetëra mijëra banorë të largohen nga shtëpitë e tyre.

Flakët e shkaktuara nga rrufetë dhe të nxitura nga një valë nxehtësie përvëluese dhe erërash të forta, po lëviznin shpejt në shtetin amerikan, duke mposhtur veprimet e zjarrfikësve.

Guvernatori i Shtetit Gavin Newsom tha se 367 vatra zjarri janë përhapur në të gjithë territorin e Kalifornisë dhe se rreth 11 mijë rrufe kanë goditur shtetin në vetëm 72 orë. Ndër zonat më të prekura është veriu i shtetit, ku janë shkatërruar 50 struktura dhe janë plagosur disa dhjetra persona.