11-vjeçari ikën i vetëm nga Ukraina në Sllovaki, e quajnë “heroi i natës”

Më shumë se 1.5 milion shtetas nga Ukraina kanë lënë atdheun në luftën që ka mbërthyer vendin nga sulmet dhe bombardimet ruse.

Një djalë nga Zaporizhzhia, në juglindje të Ukrainës, u cilësua si “një hero i natës”, pasi kaloi kufirin dhe mbërriti në Sllovaki i vetëm.

11-vjeçari mbante një çantë shpine, qese plastike, një pasaportë dhe kishte një numër telefoni të shkruar në dorën e tij, sipas Ministrisë së Brendshme të Sllovakisë. Është e paqartë pse djali ishte i pashoqëruar.