17-vjeçari vret 10 persona në një shkollë në Teksas (FOTO & VIDEO)

10 persona kanë humbur jetën nga të shtënat  me armë zjarri në shkollën e mesme në “Santa Fe”, Teksas të SHBA. Policia thotë se e ka arrestuar personin, një 17-vjeçar dhe aktualisht situata është nën kontroll.

Nju Jork Times njofton për tre të vrarë, bazuar në njoftimet më të hershme të një zyrtari lokal. Ndërsa kanali CNN njofton për 10 të vrarë, si dhe një numër të plagosurish, mes tyre edhe një polic që shërbente si personel sigurie në shkollë.

Ky është incidenti i tretë me armë zjarri në mjedise shkollore, i regjistruar këtë muaj në Shtetet e Bashkuara si dhe incidenti i 22-të i kësaj natyre që nga fillimi i vitit.