2 shtetet më të mira për emigrantët i kemi pranë, janë në Europë

Raporti i Expat Insider 2023 analizoi 53 destinacione të emigrantëve në mbarë botën dhe i renditi sipas cilësisë së jetës dhe këtë vit janë dy vende europiane që janë të renditura në dhjetëshen e parë.

Spanja-Që nga sondazhi i parë i InterNations në vitin 2014, Spanja është renditur gjithmonë në dhjetëshen e parë për cilësinë e jetës. Vendi është paraqitur vazhdimisht ndër më të mirët në botë për opsionet për të kaluar kohën e lirë. Shumica e emigrantëve (88%) thonë se ndjehen të lumtur me kulturën dhe jetën e natës në Spanjë. Klima dhe moti i Spanjës renditen në vendin e tretë globalisht, gjë që gjithashtu e bën më të lehtë për emigrantët të dalin jashtë dhe të shijojnë aktivitetet e kohës së lirë.

Portugalia-Lehtësia e vendosjes është një nga pikat kryesore për emigrantët në Portugali. Mbi tre të katërtat ndihen si në shtëpi dhe mbi 80% ndihen të mirëpritur. Shumica e të anketuarve raportojnë gjithashtu se popullsia është përgjithësisht miqësore me banorët e huaj. Për cilësinë e jetës, Portugalia renditet e 7-ta në botë. Disa nga avantazhet e vendit përfshijnë klimën, motin dhe cilësinë e ajrit.