37% e evropianëve besojnë se lu*ta Rusi-Ukrainë do të përfundojë me kompromis

Qytetarët evropianë janë pesimistë për shanset e Ukrainës për të fituar luftën kundër Rusisë dhe shohin si zgjidhje negociatat mes 2 vendeve. Ky është rezultati i një sondazhi të 12 vendeve të BE-së të publikuar ditën e sotme. Sipas sondazhit, vetëm 10% e të anketuarve parashikojnë një fitore për Ukrainën.

Vendet më optimiste për një fitore të Ukrainës janë Polonia, Suedia dhe Portugalia, ndërsa më pesimistet janë Greqia, Hungaria dhe Italia. Publikimi i këtij sondazhi përkon me përvjetorin e dytë të pushtimit rus të Ukrainës, ndërsa Kievi e gjen veten në një pozicion të vështirë përballë një Rusie të guximshme nga tërheqja e mbështetjes perëndimore për Ukrainën dhe mundësia e kthimit të Donald Trump në Shtëpinë e Bardhë.

Rreth 31% e të anketuarve besojnë se Evropa duhet të ndihmojë Ukrainën të rifitojë territoret e saj të pushtuara nga Rusia, ndërsa 41% favorizojnë që Evropa të shtyjë Ukrainën për të negociuar një marrëveshje paqeje me Rusinë. Shumica e evropianëve (56%) do të “zhgënjeheshin” nga zgjedhja e Donald Trump dhe 43% mendojnë se kjo do ta bënte më pak të mundshme fitoren e Ukrainës.

Sondazhi u bazua në përgjigjet e rreth 17,000 të anketuarve në Austri, Francë, Gjermani, Greqi, Hungari, Itali, Holandë, Poloni, Portugali, Rumani, Spanjë dhe Suedi.