40 milionë të prekur nga Covid-19/ SHBA, India, Brazili vendet më të prekura

Sipas Organizatës Botërore të Shëndetësisë, numri i rasteve të të infektuarve me Covid-19 në rang global i ka kaluar 40 milionë raste, teksa numri i viktimave ka shkuar ne 1 milion e njëqind e shtatë mijë (1,107,000).

Sipas OBSH-së, Shtetet e Bashkuara të Amerikës, India dhe Brazili janë shtetet më të prekura, si për sa i përket rasteve ashtu edhe për bilancin e viktimave.

Në SHBA janë konfirmuar deri më tani, 7 milionë e nëntëqind e gjashtëdhjetë e gjashtë raste (7.966.729) dhe 217.071 viktima. India renditet e dyta me 7.494.551 raste dhe 114.031 viktima, ndërsa Brazili ka regjistruar 5.200.300 raste dhe 153.214 viktima.

Sipas zyrave të OBSH-s, Amerika Latine mbetet kontinenti më i prekur, me mbi 18 milionë raste dhe 605 mijë viktima ndërkohë Europa ka shënuar 255.549 vdekje nga virusi vdekjeprurës.