46 viktima nga Covid-19 në Maqedoninë e Veriut

46 viktima dhe 433 raste të reja me koronavirus, është bilanci ditor i virusit në Maqedoninë e Veriut. Ministria e Shëndetësisë, njoftoi se rastet e reja vijnë nga 2453 testime. Bilanci ditor flet gjithashtu për 641 të shëruar për një total prej mbi 132 mijë të shëruarish. Që nga nisja e pandemisë, Maqedonia e Veriut njoftoi se numri i përgjithshëm i rasteve të konfirmuara me Covid-19 në vend ka shkuar në mbi 152 mijë, ndërsa viktimat kanë arritur në 4818.