Agjencia anti-doping goditet nga sulmi kibernetik

Agjencia anti-doping në Mbretërinë e Bashkuar, e cila përmban mijëra detaje të testeve të drogës dhe shënime mjekësore të sportistëve është goditur nga sulmi kibernetik.

The Independent ka arritur të zbulojë se stafi i selisë së agjencisë në Londër u thirr në një takim të hënën në mëngjes, ku u informuan për këtë shkelje.

Të dhënat e futbollistëve të Premier League, çiklistëve me profil të lartë dhe atletëve e njohur të Olimpiadës janë në serverat Ukad.

Sulmet e mëparshme në agjencitë anti-doping kanë zbuluar informacione të detajuara mjekësore të disa prej atletëve kryesorë të botës, duke dërguar tronditje përmes sportit dhe komuniteteve gjeopolitike.

Një zëdhënës i Ukad konfirmoi se agjencia kishte qenë objekt i një sulmi kibernetik, por pohoi se ishte i pasuksesshëm dhe se ata besonin se asnjë të dhënë nuk kishte humbur.