Antitrupat zbehen shpejt tek njerëzit, pas prekjes nga Covid-19

Një zbulim i fundit i studiuesve të “Imperial College London”, thotë se nivelet e antitrupave mbrojtëse tek njerëzit zbehen mjaft shpejt pas prekjes nga Covid-19. Sipas tyre, antitrupat janë një pjesë kryesore e mbrojtjes sonë imune dhe ndalojnë virusin të futet brenda qelizave të trupit. Në raundin e parë të testimit, në fund të qershorit dhe fillimin e korrikut, rreth 60 në 1000 njerëz kishin antitrupa të identifikueshëm. Në serinë e fundit të testeve, në shtator vetëm 44 për 1000 njerëz ishin pozitivë. Studiuesit tregojnë se numri i njerëzve me antitrupa ra me më shumë se një e katërta midis verës dhe vjeshtës.

”Imuniteti po zbehet me shpejtësi, ne jemi vetëm tre muaj pas raundit të parë të testeve tona dhe po shohim një rënie prej 26% të antitrupave”, tha Prof Helen Ward, një nga studiuesit. Rënia ishte më e madhe te personat mbi 65-vjeç, krahasuar me moshat më të reja dhe në ato pa simptoma krahasuar me ata me Covid-19 të plotë. Antitrupat ngjiten në sipërfaqen e Covid-19 për ta ndaluar atë të pushtojë qelizat e trupit tonë dhe për të tërhequr pjesën tjetër të sistemit imunitar. Ekzistojnë pjesë të tjera të sistemit imunitar, të tilla si qelizat T, të cilat gjithashtu mund të luajnë një rol, duke vrarë drejtpërdrejt qelizat pritëse të infektuara dhe duke thirrur qelizat e tjera imune për të ndihmuar.

Studiuesit paralajmërojnë se antitrupat priren të jenë shumë parashikues se kush është i mbrojtur. Prof. Wendy Barclay tha se imuniteti bie me të njëjtën shpejtësi kur antitrupat bien, dhe se ky është një tregues i imunitetit të zbehur. Shpresa është se infeksioni i dytë do të jetë më i lehtë se i pari, edhe nëse imuniteti bie, pasi trupi duhet të ketë një “memorie imune” të takimit të parë dhe të dijë si të luftojë përsëri. Studiuesit thonë se gjetjet e tyre nuk heqin shpresat për një vaksinë, e cila mund të dalë më efektive. Një nga studiuesit, prof. Graham Cooke, tha se pasqyra e madhe është pas valës së parë, pjesa më e madhe e vendit nuk kishte prova të imunitetit mbrojtës.