Armët bërthamore, Putin: Ky është i vetmi rast kur do i përdorim

Presidenti rus, kohët e fundit ka folur shumë për armët bërthamore. Vladimir Putin ka thënë në fjalimin e tij vjetor, se doktrina ushtarake e Rusisë e lejonte vendin vetëm të përdorte armë bërthamore në mbrojtje, duke hedhur poshtë pretendimet se Rusia po shqyrtonte përdorimin e tyre në Ukrainë.

Putin tha gjithashtu se Rusia ishte gati të rifillonte bisedimet me Shtetet e Bashkuara për kontrollin e armëve bërthamore, por nuk kishte asnjë përgjigje nga Uashingtoni për propozimet e Moskës për bisedime mbi stabilitetin strategjik.

Putin tha se Rusia nuk kishte folur kurrë për përdorimin e armëve bërthamore dhe pohoi se Kievi ka teknologjinë për të krijuar dhe për të shpërthyer potencialisht një “bombë të pistë” në Ukrainë.