Atentatori turk i Papa Vojtilës: Dua të takoj Papa Françeskun

Kjo deklaratë është bërë nga vetë Mehmet Ali Agça, në kuadrin e përgatitjeve për vizitën e Papa Françeskut në Turqi, nga 28 deri 30 nëntor.

Kujtojmë se ky shtetas turk u përpoq të vriste Papa Gjon Palin II në vitin 1981, akt ky për të cilin ai kreu 30 vite burg.

Ndërsa Papa Vojtila shkoi dhe e takoi atë, takim ky për të cilin atentatori do të shprehej: “Kujtoj takimin tim me Papën si një nga aktet më të bukura dhe të rëndësishme të jetës sime. Siç e tha edhe vetë Papa ai takim ishte një mrekulli e vendosur nga Zoti. Më bëri përshtypje sinqeriteti dhe ndershmëria e Gjon Palit II. Ishte një njeri që kishte një dashuri të sinqertë dhe pa interes për të tjerët”.