Audienca e parë në sheshin e Shën Pjetrit, Papa Leo XIV bën thirrje për ndihma humanitare në Gaza

Papa Leo XIV bën apel që ndihmat humanitare të arrijë në Rripin e Gazës dhe t’i jepet fund humbjes ”zemërthyese” mbi popullin e saj, ndërsa kryesoi audiencën e tij të parë të përgjithshme në Sheshin e Shën Pjetrit.

Vatikani tha se rreth 40,000 njerëz ishin të pranishëm për audiencën, e cila erdhi vetëm disa ditë pasi rreth 200,000 njerëz morën pjesë në Meshën inauguruese të dielën për papën e parë amerikan në histori.

Papa e filloi audiencën me një tur nëpër shesh në papamobilin dhe u ndal për të bekuar disa foshnje. Duke u drejtuar përshëndetjeve specifike grupeve të ndryshme të pelegrinëve, Leo foli në anglishten e tij amtare, në spanjishten e tij të rrjedhshme, si dhe në italishten tradicionale të papatit.

“Përsërit thirrjen time të përzemërt për të lejuar hyrjen e ndihmës dinjitoze humanitare në Gaza dhe për t’i dhënë fund armiqësive, çmimin shkatërrues të të cilave po e paguajnë fëmijët, të moshuarit dhe të sëmurët”, tha ai.