“Babai juaj vdes pas 10 minutash, bëhuni gati”! Telefonata e mjekut trondit vajzën, përballja dramatike me Covid-in

Një nga historitë më shokuese që nga nisja e pandemisë Covid-19 në botë është ajo e Angela Cortese në Itali.

Babai i saj Francesco, pozitiv me Covid, shkruan “Repubblica“ u shtrua në spitalin Moscati në Taranto në mesnatën mes 1 dhe 2 nëntorit.

78-vjeçari komunikonte përmes telefonit me familjarët e tij, por ajo çfarë tregonte ishte me të vërtetë alarmante.

“Ejani më merrni, këtu vdes”.

Në datë 3 nëntor, vajza e tij, avokate, flet me një nga mjekët e spitalit që ndiqte nga afër gjendjen e të atit.

“Babai juaj nuk bashkëpunon. Nuk do të vendosë maskën cpap. Pas 10 minutash vdes, bëhuni gati”, raportohet t’i ketë thënë mjeku.