Belgjika si presidencë e BE-së kërkon që debati për planin për Ballkanin dhe bisedimet me Parlamentin Europian të përfundojnë para zgjedhjeve evropiane në qershor.
Shtetet anëtare janë të gatshme t’i japin dritën jeshile planit të rritjes ekonomike për Ballkanin Perëndimor prej gjashtë miliardë eurosh, por kërkojnë që përparimi në sundimin e ligjit dhe respektimi i politikës së jashtme të BE-së të jenë kushte për përdorimin e parave nga ky fond.
Në rastin e Serbisë, kusht shtesë për shfrytëzimin e mjeteve nga plani i propozuar nga Komisioni Europian në nëntor është zbatimi i marrëveshjes së normalizimit me Kosovën.
