Bënte kërcënime për pazaret e trafikut të drogës, arrestohet 36-vjeçari shqiptar në Itali

Një 36-vjeçar shqiptar është arrestuar së fundi nga policia italiane, i cili akuzohet se ka kryer kërcënime të ndryshme ndaj personave të ndryshëm për pazare droge.

Sipas mediave italiane mësohet se 36-vjeçari shqiptar me profesion shofer, u arrestua në Besozzo, një qytet në krahinën e Varese në Itali pasi u kap në flagrancë.

Gjatë shërbimit të policisë, shqiptari u kap pasi kërcënoi verbalisht një vajzë me synim përftimin e një sasie parash prej 1200 eurosh.

Nga hetimet e kryera nga policia italiane, rezultonte se shqiptari kishte kryer shantazhe të tilla edhe në raste të tjera me po të njëjtën vajzë.