Berlusconi: I lumtur për Salvinin, por regjizori jam unë

Pas zgjedhjeve në Itali, lideri i partisë “Forza Italia”(FI) Silvio Berlusconi pasi përgëzoi Matteo Salvinin për rezultatin historik që partia e tij arriti në legjislativet italiane të 4 marsit u shpreh se do të jetë garant i qëndrueshmërisë së aleancës së qendrës së djathtë.

”Koalicioni jonë doli formacioni i parë politik dhe kjo duhet të jetë vendimtare për të marrë detyrën e qeverisjes. Jam i lumtur për Matteo Salvini-n, jam i lumtur për ”Lega”-n me të cilën kemi qenë për shumë vite në pushtet dhe me të cilën qeverisim bashki të rëndësishme. Konfirmoj respektin drejt aleatëve dhe të pakteve të ndërmarra duke qëndruar lideri i FI-së, do të jem regjizori i qendrës së djathtë dhe garanti i qëndrueshmërisë së koalicionit”, thekson Silvio Berlusconi në një mesazh.