Biden krahason Putin me Hitlerin

Gjatë fjalimit të tij në Normandi, në ceremoninë e përkujtimit të 80 vjetorit të trupave aleate, presidenti amerikan Joe Biden e krahasoi liderin rus, Vladimir Putinin me Adolf Hitlerin. Sipas kreut të Shtëpisë së Bardhë, veteranët amerikanë të Luftës së Dytë Botërore do të kishin dashur që Shtetet e Bashkuara të ndalonin agresionin e liderit të Kremlinit.

“Falë guximit të ushtarëve që zbarkuan në Normandi, lufta ndryshoi. Ata kundërshtuan agresionin e Hitlerit. A ka dikush që dyshon se ata do të kishin dashur që Amerika të kundërshtonte Putinin sot në Evropë?”, deklaroi presidenti amerikan.

Më herët, Presidenti amerikan Joe Biden i kërkoi falje homologut Ukrainas Volodymyr Zelensky për vonesën në miratimin e paketës së re të ndihmave ushtarake, e cila u bllokua për muaj me radhë nga republikanët në Kongres.