Bllokohet rrotulluesja e lojës, vdes një grua

Një kalimtare ka kapur pamjet tronditëse në video, kur një grua ra nga slita e një rrotulluesje. Mekanizmi pati një defekt në sistem dhe dështoi të vepronte normalisht, duke shkaktuar rënien e gruas.

Incidenti ndodhi në një park zbavitës në Penjamo, Meksikë. Nayeli Morales dhe nëna e saj, Irma Sanchez, ishin në slitë rul ‘El Roster’, kur slita u bllokua dhe gratë u rrëzuan, duke rënë nga lartësia.

Personat e tjerë të rrotullueses zbavitëse dhe turma poshtë dëgjohen duke reaguar me panik nga skena e tmerrshme.

Sanchez pësoi lëndime të rënda dhe vdiq pas aksidentit. Vajza e saj 27-vjeçare Morales arriti të mbijetojë, megjithatë është në gjendje të rëndë në spital nën kujdesin intensiv.

Zyra e Prokurorit të Shtetit hapi një hetim për incidentin. Operatori i rulosë u largua nga vendi i ngjarjes dhe ende nuk është identifikuar.

Nuk është hera e parë që mosfunksionimi i rulosë ka çuar në vdekje dhe lëndime serioze.

Vitin e kaluar një vajzë kineze 13-vjeçare vdiq pasi ra nga një udhëtim i shpejtë në një park zbavitës në jugperëndim të Kinës, ndërsa katër vetë u vranë në udhëtimin e “Thunder River Rapids” në një park të Australisë në 2016.