Bojkot universitetit, shkak “robotët vrasës”

Studiuesit e inteligjencës artificiale nga thuajse 30 vende kanë bojkotuar një universitet koreano-jugor, pasi druhen se bashkëpunimi i një prej laboratorëve të tij të rinj me një prodhues armësh do të krijojë robotët vrasës.

Studiuesit thanë se nuk mund të bashkëpunojnë me universitetin apo të presin vizitorë nga “KAIST”, pasi druhen se ata duan që të përshpejtojnë garën e armëve për të zhvilluar sisteme autonome.

Shkencëtarët thonë se ka shumë gjëra të mira që mund të bëhen me inteligjencën artificiale, por është e papranueshme që një universitet i respektuar të deklarojë hapur se ka qëllim të prodhojë armë autonome, në bashkëpunim me një prodhues armësh me etikë të dyshimtë dhe që shkel normat ndërkombëtare.

“Hanwha” është prodhuesi më i madh i armëve në Korenë e Jugut, e prodhon edhe armë që janë të ndaluara në shumë vende.