Bora “bllokon” Britaninë e Madhe

Janë paralajmëruar kushtet e këqija të motit në Britaninë e Madhe.

Shoferët janë lajmëruar të marrin masa për kushtet “e pabesa” të rrugës, pasi bora po kthehet në akull në disa vende të Britanisë së Madhe.

Qindra shkolla në Anglinë dhe Uells janë mbyllur të hënën, ndërsa kushtet e dimrit vazhdojnë.

Përpjekjet për të mbajtur lidhjet  me mijëra shtëpi të bllokuara prej dëborës dhe erërave të larta kanë vazhduar edhe natën.

Temperaturat kanë qenë midis -1C dhe 1C në zonat urbane dhe deri në -10C në zonat më rurale.

Zyra Met e parashikimit të motit ka nxjerrë paralajmërime të errëta të motit për Uellsin, Midlandsin dhe Juglindjen.

Gjithashtu paralajmëroi për më shumë kushte të akullta në perëndim të Skocisë dhe Irlandës së Veriut.

Ekziston rreziku deri në 5cm dëborë shtesë në terrene më të lartë në Kent, Sussex, Surrey dhe Hampshire.

Hekurudha Kombëtare ka deklaruar se udhëtarët duhet të kontrollojnë operatorët e tyre të trenave përpara se të nisen për udhëtim.

Aeroportet janë prekur gjithashtu, me dhjetëra fluturime janë anuluar nga Heathrow të hënën pasi ekuipazhet dhe aeroplani ishin jashtë pozicionit nga problemet e së dielës.

Pasagjerët po këshillohen që të kontrollojnë statusin e fluturimit para se të nisen për në aeroport.

Ndërkohë, mijëra shtëpi mbetën pa energji pasi u goditën nga moti.Deri të hënën në mëngjes, 6.500 shtëpi mbetën pa energji.

Më shumë se 400 shkolla janë të mbyllura në Uells dhe në Birmingham, këshilli i qytetit ka mbyllur të gjitha shkollat e drejtuara nga autoritetet lokale.