Bota më e pasigurt, raporti i vdekjeve është i frikshëm

Për herë të parë, është rritur norma e vrasjeve në nivel global, ku vendet që përmenden me numrin më të lartë janë Venezuela dhe Xhamajka. Raporti i publikuar vlerëson se më shumë se 380 mijë njerëz janë vrarë në gjithë botën, 8000 më shumë se vitin e kaluar.

Nga pesë vendet me shkallën më të lartë të vdekjeve në vitin 2016 ku përmenden Siria, Salvadori, Venezuela, Hondurasi dhe Afganistani vetëm dy prej këtyre kishin konflikte të armatosura që vitin e kaluar. Studiuesit vunë në dukje se ndërkohë që rritja e shkallës së vrasjeve nuk tregon domosdoshmërisht një trend të ri … ajo sinjalizon pasiguri në rritje në zonat jo-konfliktuale. Duke marrë parasysh rritjen e popullsisë, viti 2016 kishte një shkallë globale të vrasjeve për 100,000 nga 5.15, 0.04 pikë më lartë se në vitin 2015.

Nga 23 vendet me një normë vdekjeje për shkak të dhunës prej më shumë se 20 persona për 100,000, 14 nuk përfshiheshin në luftëra: ato përfshijnë Brazilin, Xhamajkën, Republikën Domenikane dhe Afrikën e Jugut.

Numri i njerëzve të vrarë si rezultat i drejtpërdrejtë i konfliktit të armatosur ra nga 2014 me 143,000 deri në 119,000 dhe 99,000 në vitin 2016. Kjo rezultoi me një rënie të normës për 100,000 njerëz nga 1,96 në vitin 2014 në 1,32 në raport. Kjo ndihmoi që shkalla e përgjithshme e vdekjeve të dhunshme të binte nga 7.73 për 100,000 banorë në 7.50 midis viteve 2015 dhe 2016. Autorët e raportit, Claire McEvoy dhe Gergely Hideg, thanë se më shumë se një milion jetë mund të shpëtohen deri në vitin 2030 nëse trendi vazhdon (për vrasjet me dhunë).